Ang layunin sa paggamot ng osteoporosis ay ang pagpapataas ng bone density upang maiwasan ang pagkabali ng buto. Maaring mabigyang lunas ang karamdaman kung may:
- Pagbabago sa pamumuhay
- Regular na ehersisyo
- Pagtigil ng paninigarilyo at malakas na konsumo ng alcohol
- Sapat at tamang nutrisyon
- Mga calcium supplement na mula sa mga masusustansyang pagkain, tulad ng fresh milk o gatas, keso, at yogurt, mga berde at madahong gulay, sardinas at de-latang salmon
- Vitamin D na nakukuha sa sikat ng araw
- Mga gamot
- Biphosphonates (kadalasang ginagamit kapag ang babae ay nasa menopause)
- Calcitonin
- Denosumab
- Raloxifene
- Zoledronate
Ang pag-eehersisyo ay mahalaga para manumbalik ang bone density, lalo na sa mga nakatatanda. Subalit, kailangang maging maingat sa mga ehersisyong gagawin para hindi mabali ang mga buto. Maaaring gawin ang mga sumusunod:
- Weight-bearing exercises, gaya ng paglalakad at mabagal na pagtakbo o jogging
- Tai chi
- Yoga
Kapag hindi naagapan ang osteoporosis, maaaring mapunta ang kondisyong ito sa tinatawag na osteonecrosis o ang pagkamatay ng mga bone tissues.