Tambal sa Sakit sa Ngipon o Toothache

Ang sakit sa ngipon kasagarang problema nga masinati sa tanan - bata man o tigulang. Usahay ang presensya niini kalit ug adunay dakong epekto sa quality of life sa usa ka tawo. Ang sakit sa ngipon kasagaran tungod sa tooth decay o pagkadunot sa ngipon. Adunay pagngilo ug mahimong sensitibo ang  ngipon sa matag pagkaon sa tam-is o pag-inom sa bugnaw ug init nga tubig. Magsakit sab ang ngipon tungod sa impeksyon sa lagos, pagkagot sa ngipon, ug dili normal nga pagpaak.
 

Sa sinugdanan, ang sakit sa ngipon dili kayo sakit apan mahimong mograbe kung dili hatagan og hustong pagtagad. Kung ang sakit sa ngipon giubanan sa hilanat, paghubag sa aping o liog, sakit sa lagos, ug pagbaho sa gininhawa bisan pagkahuman sa pagsipilyo, magpa check na dayon sa usa ka dentista. Bag-o moadto sa inyong family dentist, ania ang mga nag-unang tambal sa sakit sa ngipon.


https://www.shutterstock.com/search/warm-water-with-salt

Magmugmog og medyo init nga tubig nga may asin

Ang init nga tubig makatabang aron maminusan ang kasakit samtang ang asin kay makatabang sa pagdisinfect sa apektadong lugar sa ngipon.


https://www.shutterstock.com/image-photo/woman-looking-bathroom-mirror-using-dental-737831935

Mogamit og dental floss

Paggamit og dental floss aron makuha ang mga particles o tinga nga nahabilin sa tunga sa mga ngipon.

Pag-inom og over-the-counter nga tambal

Pag-inom og tambal sa sakit sa ngipon o pain reliever, sama sa RiteMED ibuprofen o RiteMED mefenamic acid aron mamenusan ang kasakit. Siguradoha nga husto ang dosage nga imong giinom.

Magbutang og cold compress

Ang pagbutang og cold compress sa aping atbang sa gasakit nga ngipon o sakit sa lagos makapamenus sa paghubag niini. Tabuni kini sa usa ka panapton ug ayaw ibutang ang yelo direkta sa aping

Pag-apalay og ointment

Kung adunay antiseptic ointment nga adunay benzocaine, maayo nga ipahid kini sa gasakit nga ngipon ug lagos. Sunda lamang ang saktong paggamit niini nga ointment o mokonsulta sa doktor.

Ayaw pagbutang ug aspirin sa lagos kay dili kini makatabang ug mahimong hinungdan sa pag hapdos niini. Usahay ang sakit sa ngipon tungod sa usa ka aksidente sama sa pagkabangga o grabeng samad sa nawong. Sa mga ingon ani nga higayon, labing maayo nga modiretso na dayon sa emergency room.

Ang pagkaon og whole grains, lean protein, low-fat dairy products, gulay ug prutas maayo alang sa pagpalig-on sa enamel sa ngipon. Ang pagkaon og cheese giingon usab nga makapalig-on sa ngipon tungod kay kini nagpasiugda sa saliva flow nga makatabang sa pagmintinar sa pH level sa baba. Makatabang usab ang mga over-the-counter nga bitamina ug pag-inom ug at least walo  ka baso nga tubig.

Hinumdomi lang nga ang mga first aid tips nga gihisgutan sa ibabaw dili makaayo sa sakit sa ngipon. Ang sakit sa ngipon kinahanglan gihapon nga sa dentist ipakonsulta ug patambalan. Aron malikayan pag-usab ang sakit sa ngipon, magpa check-up kanunay sa dentista, magsipilyo sa imong ngipon labing menos kaduha sa usa ka adlaw, ug mag-floss kada adlaw. Likayi ang pagkaon og kendi o tam-is kaayo nga mga pagkaon ug likayan sab ang nagkalain-laing bisyo sama sa pagpanigarilyo ug pag-inom og alkohol.