Tambal sa Lu-as

Unsa ba kining Lu-as?

Ang apthous stomatitis o mas naila sa tawag nga "lu-as o singaw" usa ka gamay nga ulcer nga kasagaran motubo sa dila, ngabil, lagos, aping o usahay sa tutunlan. Kadaghanan kanato makasinati og lu-as, apan mas kasagaran kini sa mga babaye. Para sa mga nag-edad og 55 pataas kay panagsa ra makasinati niini.
 

Mga Sintomas sa Lu-as

Unsaon pagkahibalo kung ikaw adunay lu-as? Ania ang pipila sa mga sintomas:

• Lingin ang hitsura niini nga adunay puti o yellowish nga unod ug pula ang kilid nga timailan sa panghubag
• Dili ka makakaon og tarong tungod sa kasakit ug nagkagrabe nga kasakit tungod sa lu-as sa lagos
• Dili komportable nga sinultihan tungod sa lu-as sa dila nga usahay maoy hinungdan sa pagkabakol kung mag storya
• Dili makatulog kung adunay luas sa ngabil o aping
• Naglisud ka sa pagtulon ug kanunay nga paglaway-laway
   

Nganong naay Lu-as?

Ania ang pipila sa posible nga mga hinungdan nganong makakuha niining maong sakit:

• Mabukog sa isda o maigo sa hait nga ngipon
• Pagpaak sa kaugalingong dila o mga ngabil
• Kung naigo sa braces ​​sa ngipon o sayop ang pagkabutang sa pustiso
• Kusog ug duot nga pagsipilyo
• Pagkapaso gikan sa init nga ilimnon o tubig
• Pagbag-o sa klima ug sa panahon
• Grabe nga stress, sobra nga kabalaka o anxiety ug ang pagpulaw
• Kalit nga pagbawas sa timbang o weight loss.

https://www.shutterstock.com/image-photo/bathroom-scale-measuring-tape-on-white-455532625

Aduna sab kining mga gapasamot sa lu-as nga lisud kontrolon ug likayan sama sa:\

• Ang mga pagbag-o sa hormones sa panahon nga giregla o kung buntis ang usa ka tawo.
• Ang pag-inom og mga tambal sama sa nonsteroidal anti-inflammatory drugs o NSAIDs (pananglitan aspirin), beta-blockers o mga tambal nga makapahinay sa heart rate, nicorandil o angina drugs
• Allergy sa Pagkaon (depende sa tawo)
• Paggamit og toothpaste o mouthwash nga adunay chemical additive nga Sodium Lauryl Sulfate (SLS)
   

Nagkalainlain nga klase sa Lu-as:

Ang lu-as o singaw usa sa giisip nga natural nga bation  sa lawas sa tawo. Usahay, bisan kung walay tambal, mawala ra kini pagkahuman sa usa o duha ka semana. Kung kini mawala dayon, kini gitawag nga simple nga lu-as. Kung dili kini maayo og molapas sa duha ka semana, kini giisip na nga komplikado nga singaw.

Gawas sa mga sintomas nga gihisgutan, ang lu-as mahimong ma-categorize nga komplikado kung kini giubanan sa:

• Paghinay sa mga lihok sa lawas
  ​
• ​Adunay hilanat o trangkaso
   
• Panghubag sa kulani
   
• Pagkahuyang sa immune system o kulang sa Vitamin C
   
• Mga problemang tungod sa kakulang sa nutrisyon sama sa bitamina B-12, Zinc, Folic Acid, o Iron.
   
• Mga problema sa gastrointestinal o digestive system sama sa Celiac disease ug Crohn's disease.
   
  • Ang Celiac disease usa ka sakit sa digestive disover nga apektado ang mga gagmay nga tinai.
     
  • ​Ang mga tawo nga adunay Crohn's disease (usa ka matang sa sakit sa panghubag sa tinai) makasinati sab og panghubag gikan sa baba hangtod sa sampot. Kung kini dili tagdon ug mapasagdahan, kini mamahimong hinungdan sa sakit sa tiyan, grabe nga kalibanga, pagkawala sa timbang, ug malnutrisyon.
     
• Ang nagbalikbalik nga lu-as mamahimong sintomas sab sa human immunodeficiency virus o HIV
• Bisan tuod dali lang maayo ang mga simpleng lu-as, adunay pipila ka mga home remedies aron mapadali ang pagkaayo niini. Ania ang pipila sa mga tambal sa lu-as.
   
• Usa sa pinakabarato ug sayon ​​nga solusyon mao ang pagmumog sa tubig nga gisagolan og ¼ hangtod ½ kutsarita nga asin sulod sa napulo hangtod kinse ka segundos. Mamahimong himuon ang pagpanlimugmog bisan kapila nga higayon sa usa ka adlaw.
• Hinay-hinay sa pagkaon sa mga aslum o acidic, parat ug halang nga mga pagkaon sama sa chichiria. Mga pagkaong gaan ra sa tiyan lang sa ang kaonon sama sa lugaw.
• Mogamit og toothbrush nga adunay humok nga mga bristles. Hinay lang kung mag-brush. Mogamit og mouthwash o toothpaste nga walay kemikal nga SLS.
• Mag-gargle og apple cider vinegar nga makapatay sa mga kagaw sa lu-as
• Gawas sa apple cider ug asin, mahimo usab nga manlimugmog og baking soda aron mabalik ang balanse sa ph ug mawala ang paghubag.
• Pirming pag-inom ug daghang tubig ug magpabiling hydrated
• Likayi ang paggunit sa lu-as labi ilabina kung hugaw ang imong mga kamot
• Pagkaon og probiotics ug cultured yogurt. Ang Yogurt adunay mga good bacteria

nga maayo sa atong digestive system ug mamahimo na sab kining tambal sa lu-as.

• Sulayi nga ihumol ang lu-as o pag-inom og Chamomile Tea aron mapadali ang pag-ayo niini.  Ang Chamomile kay kasagaranng ginainom bag-o pa matulog ug aduna kiniy mga anti-septic nga kemikal nga makaparelaks ug makatabang sa digestion.

https://www.shutterstock.com/image-photo/portrait-pregnant-woman-doctor-clinic-722888425

Sintomas nga kinahanglan na nimo nga magpa check sa usa ka doctor

• Sa higayon nga ang lu-as gabalik-balik na sulod sa kapin tulo ka semana
• Dili makatulon og tarong tungod sa kasakit
• Mikalat na ang lu-as sa imong baba
• Midako ug migrabe ang infected area sa lu-as
• Gihilantan ka ug nanghubag imong nawong
• Kung ang kasakit nagpabilin nga grabe bisan human sa paggamit sa pipila ka mga home remedy.