Sintomas Kung Adunay Tubig ang Baga

Unsay buot ipasabot kon adunay tubig sa baga?

Kung ang usa ka tawo adunay tubig sa baga o pulmonary edema, nagpasabot kini nga adunay abnormal swelling o paghubag sa iyang baga. Kini nga paghubag mahimong hinungdan sa lisud nga pagginhawa.
 

Nganong magkatubig man ang baga?

Ang mga problema sa kasingkasing mao ang kasagarang hinungdan sa tubig sa baga. Adunay ubang mga butang nga mahimong hinungdan sa tubig sa baga - pneumonia, exposure sa toxins, pagkasamad sa chest wall o pag-ehersisyo sa taas nga altitude, sakit sa kasingkasing ug kidney.

Tungod sa natapok nga tubig sa baga, maglisod ang atong kasingkasing nga maoy gabomba og dugo ug maglisod ang ugat sa pagpakatag sa oxygen ug nutrients nga gikinahanglan sa ubang organ sa atong lawas.
 

Mga klase sa pulmonary edema ug ang mga sintomas sa tubig sa baga:

1. Acute Pulmonary Edema

Kini mao ang diha-diha nga presensya sa tubig sulod sa baga. Sa dihang nasinati ang mga timailhan sa pulmonary edema, magpakonsulta dayon sa doktor kay delikado kining sakita.
 

Mga simtomas sa acute pulmonary edema:

• Kalit nga pagkawala sa gininhawa o lisud sa pagginhawa (dypnea) nga mosamot kon adunay ginabuhat o maghigda
• Gibati nga mura’g ginatuok
• Pag-ungol (wheezing) o paghimo og tingog sa matag higayon nga mosulay ka sa pagginhawa
• Bugnaw ug nagabasa nga mga kamot
• Anxiety o sobra nga kabalaka
• Kung mag-ubo nga adunay plema nga may bula (frothy sputum) nga adunay sagol dugo
• Paglagum sa ngabil
• Dili regular nga pinitik sa kasingkasing
   

2. Chronic Pulmonary Edema

Kini ang klase sa tubig sa baga nga mokabat ug pipila ka tuig sa dili pa motungha og mamatikdan ang mga simtomas.
 

Sintomas sa chronic pulmonary edema:

• Kanunay nga kalisud sa pagginhawa
• Kalit nga pagkamata tungod sa kakulang sa gininhawa ug pag-ubo
• Sakit gikan sa hawak hangtod sa tiil (lower extremities)
   

3. High-Altitude Pulmonary Edema o HAPE

Kanunay kini nga makuha sa mga mahiligon mobiyahe sa lagyo nga mga lugar kung diin adunay

taas nga altitude o adtong hilig moapil sa extreme nga mga isports.

Bisan tuod ang HAPE dili layo sa mga sintomas sa chronic ug acute pulmonary edema, kini adunay ubang mga sintomas nga mamatikdan:

• Kalisud sa pagsaka. Pagkataudtaod kay maglisod na sab sa paglakaw bisan sa patag nga dalan.
• Pagkalipong ug labad sa ulo (unang gibati sa mga tawo nga adunay HAPE)
   

Sa unsang paagiha mahibal-an ang Pulmonary Edema?

Adunay lainlaing mga paagi aron mahibal-an kung unsa ang hinungdan sa edema sa pulmonary ug kung giunsa ang pagtambal niini nga sakit.

https://www.shutterstock.com/image-photo/doctor-checking-examining-chest-xray-film-1506001223
 

1. X-ray sa dughan

Kini ang una nga test aron makumpirma kung adunay tubig sa baga. Diri sab mahibal-an sa doktor kung paunsa nimo nakuha kini nga sakit.
 

 2. Pulse Oximetry

Ginapatong sa pasyente ang iyang tudlo sa usa ka instrumento nga gitawag og pulse oximeter. Mahibaw-an diri ang pulso sa tawo kung pila ang estimate oxygen saturation sa dugo.
 

3. Blood Test

Ang dugo sa pasyente ginakuha aron mahibal-an ang gidaghanon sa oxygen ug carbon dioxide (arterial gas concentration) sa lawas.

Aron mahibal-an kung ang kahimtang sa imong kasingkasing mao ang hinungdan nga adunay tubig sa baga, susiha ang lebel sa imong B-type nga natriuretic peptide (kon ikaw adunay sakit sa kasingkasing, ang pagbomba sa kasingkasing sa protina sa lawas gadoble)

Naa pay laing blood test nga pwedeng mahimo aron masuta kung ang presensya sa tubig sa baga konektado ba sa kidney (kidney function blood test), thyroid, ug blood count.
 

4. Electrocardiogram

Ang usa ka electrocardiogram ginagamit aron makita kung ang imong kasingkasing adunay abnormal nga heart rate activity.

https://www.shutterstock.com/image-photo/hands-elderly-people-who-drink-medicine-2013530744
 

Unsa ang posibleng treatment o tambal alang sa tubig sa imong baga?

Ang paghatag og oxygen mao ang unang pagtambal nga ginahatag sa tawo nga adunay tubig sa baga o pulmonary edema. Kini kasagarang ginahatag gamit ang nasal cannula o face mask aron ang pasyente makaginhawa sa gikinahanglang oxygen level sa iyang lawas.
 

Depende sa kahimtang sa pasyente, adunay ubang mga pagtambal nga mahimong ireseta sa doktor:

• Diuretics
   

Kanunay kini nga gireseta sa mga doktor aron mabawasan ang tubig sa sulod sa lawas.

• Morphine
   

Kini aron sa sayon ​nga pagginhawa ug aron maminusan ang anxiety, kini ang tambal kay ginainom.

• Blood Pressure Medications
   

Kung ang hypertension o altapresyon ang hinungdan nga adunay tubig sa baga, ginareseta kini sa doktor aron mapaubos ang imong blood pressure.

Mga butang nga imong pwedeng buhaton aron mapalig-on ang imong mga baga:

• Paglikay o paghunong sa pagpanigarilyo
• Pag-ehersisyo sa kanunay
• Likayi ang pagsimhot og isog nga kemikal
• Likayi ang mga lugar nga adunay grabe nga polusyon sa hangin
• Pagkat-on sa pagrelax aron mapaubos ang blood pressure
• Pagmanage sa stress