Walay ginapili nga panahon nga kita makasinati og common cold o sip-on. Daghan ang nagkasakit niini mapabata man o tigulang ilabi na kadtong mga huyang ang resistensya sa panlawas. Ang sip-on usa ka makatakod nga sakit nga makaapekto sa atong respiratory system. Kung aduna kay sip-on, barado ang imong ilong hinungdan nga maglisod ka sa pagginhawa.
Mga simtomas sa sip-on
- Baradong Ilong
- Sakit sa tutunlan
- Nagbalikbalik nga pagsinga
- Hilanat
- Galutaw nga gibati sa ulo
- Pag-ubo
- Kasakit sa pipila ka bahin sa lawas
Hinungdan sa Sip-on
Ang kasagarang hinungdan sa sip-on mao ang rhinovirus (rhin- meaning nose) nga maoy hinungdan usab sa nagkalain-laing sakit sama sa ear infections, pneumonia, sore throat, bronchitis, ug uban pa.
Mahimo kang matakdan niini pinaagi sa pagpangatsing o mohikap sa mga butang sa usa nga adunay sip-on. Ug bisan kung layo ka sa usa nga adunay sip-on, mahimo ka nga matakdan niini tungod kay ang rhinovirus mamahimong mokatag sa hangin o pinaagi sa pagpisik sa mga likido sama sa laway ug mucus.
https://www.shutterstock.com/image-photo/young-women-have-symptom-sick-sneezing-1913706373
Unsa ang tambal sa Sip-on?
Ang sip-on usa sa mga sakit nga dali ra matambalan. Ania ang pipila ka mga simpleng pamaagi o home remedies aron malikayan ang maong sip-on.
• Mogamit ug tissue
o Dili daling mokaylap ang virus kung gamiton ang tissue ug ilabay dayon. Dili sama sa paggamit sa panyo, ang virus mahimong mokatag pa sa imong mga butang ug palibot.
• Mogamit og Disinfectant
o Limpyohi sa kanunay ang mga butang ilabina kung adunay kauban nga gisip-on sa sulod sa balay. Maayo usab nga hinumdoman nga kung mag-atsi, gamiton ang siko sa pagtabon kaysa naandan nga pagtabon sa kamot.
o Matod sa mga eksperto, mas maayo nga mag-atsi ngadto sa siko kay kon sa kamot adunay posibilidad nga mokatag ang bakterya kon ang tawo nga adunay sip-on makahikap og mga butang ug mahimong mahikapan pa sa uban.
• Panghugas sa kamot
o Hugasi pag-ayo ang mga kamot gamit ang sabon ug tubig. Mahimo usab nimo gamiton ang hand sanitizer o alkohol sa wala pa ug pagkahuman sa pagkaon o bag-o mohawid sa maski unsang butang.
• Likayan ang paghulam og butang
o Ang paghulam sa mga butang nga nalawayan o nasikmahan na sa usa nga adunay sip-on maoy makatakod sa mga tawo nga adunay huyang nga immune system. Limpyohi og maayo ang mga butang ug ayaw una manghulam sa uban.
• Likayi ang mga tawo nga adunay sip-on
o Sama sa paggamit sa ilang butang, girekomendar usab nga likayan una sila aron dili ka mataptan.
• Ampingi ang imong kaugalingon
o Pag-ehersisyo kanunay, pagkaon sa mga pagkaon nga makapalig-on sa immune system, pag-inom og walo ngadto sa pito ka baso nga tubig, pagpabakuna ug katulog sa saktong oras.
https://www.shutterstock.com/image-photo/dietary-supplement-asian-young-woman-girl-2201070949
• Moinom ug bitamina
o Pagkuha ug bitamina nga adunay sodium ascorbate o ang Vitamin C mineral. Kini usa ka maayong pangontra sa sip-on ug hilanat. Luwas kini nga imnon tungod kay maayo kini sa tiyan ilabi na niadtong mga nakasinati og acidity.
Aduna bay RiteMED alang niini?
Unsaon pagtumar ang Ritemed Sodium Ascorbate?
• Tumaron kini kada adlaw usa ngadto sa duha ka beses. Kung adunay mga sintomas sa sip-on, pag-inom og tulo hangtod upat ka beses.
Hinumdomi: Ayaw pag-inom kung adunay allergy sa ingredients sa produkto o kung adunay hyperoxaluria
• Ang hyperoxaluria usa ka genetic nga kondisyon o hereditary intestinal disease, kung nasobrahan sa oxalate nga mga pagkaon sama sa mani, spinach, beets o beets.