Mga Pagkaon nga Makatabang sa Allergy

Kung ikaw adunay mga skin allergies, food allergies, or seasonal allergies, siguradong gasalig ka sa mga antihistamine, usa ka tambal sa allergy, aron mapugngan ang mga sintomas sa allergy. Apan dili lamang kini ang pamaagi sa pagbatok sa mga sip-on, pagluha-luha sa mga mata, ug congestion nga kasagarang mga sintomas sa lainlaing mga allergy.

Pwede ra sab nga mokaon og lain-laing mga pagkaon nga makahatag og kahupayan kon moatake ang mga sintomas sa allergies. Ang mosunod mao ang pipila niini:
 

1. Luy-a

Daghan sa mga sintomas sa allergy naggumikan sa inflammation sama sa paghubag sa mga agianan sa ilong, tutunlan, ug mga mata. Ang luy-a usa ka epektibo nga natural nga tambal alang niini.

 Sulod sa liboan ka mga tuig, ang luy-a ginagamit isip usa ka natural nga tambal batok sa nagkalain-laing mga sakit sama sa paghubag sa mga kasukasuan, pagkalipong, ug pagsuka. Kini usab usa ka nailhan nga anti-inflammatory phytochemical.

Gitun-an usab sa mga eksperto kung unsaon paggamit ang mga kemikal sa luy-a sa pagbatok sa mga seasonal allergies. Sa nangaging mga research, naobserbahan sa mga eksperto nga ang luy-a makapaubos sa mga protina sa dugo nga maoy hinungdan sa mga sintomas sa allergy. Lab-as o uga nga luy-a man ang gigamit kay susama lang ang resulta.

https://www.shutterstock.com/image-photo/plate-citrus-fresh-fruits-on-concrete-1415401322
 

2. Citrus Fruits

Ang mga citrus fruits sama sa orange, lemon ug kalamansi makatabang sa pagpa-ayo sa sip-on. Tungod kay puno kini sa Vitamin C nga makatabang aron mapagaan ang paminaw sa balatian sa dihang moatake ang mga allergies sama sa allergic rhinitis.
 

3. Kamatis

Ang mga kamatis puno sa gikinahanglan nga mga sustansya. Gani sumala sa mga eksperto, ang usa ka kamatis lang adunay 26% nga dosage sa Vitamin C nga kinahanglan sa imong lawas. Aduna usab kiniy Lycopene nga usa ka antioxidant nga makapamenos sa paghubag sa lawas. Ang pagkaon sa linuto nga kamatis mas makapadali nga ma-absorb sa lawas ang mga sustansya niini.
 

https://www.shutterstock.com/image-photo/fresh-onions-background-organic-food-1105628000

4. Sibuyas

Ang sibuyas adunay daghang benepisyo sa atong kalawasan. Aduna kiniy quercetin, usa ka natural nga antihistamine nga nagapababa sa mga sintomas sa mga skin allergies ug seasonal allergies. Tungod kay ang sibuyas adunay daghang mga anti-inflammatory substances ug antioxidants, epektibo kini nga tambal sa mga problema sa allergies.

Ang hilaw nga pula nga sibuyas ang adunay pinakataas nga gidaghanon sa quercetin. Kung lutoon na ang sibuyas, mobaba ang quercetin niini. Aron makatabang sa paghupay sa imong mga allergies, sulayi ang pagkaon og hilaw nga sibuyas. Pwedeng isagol kini sa usa ka salad, sandwich, o mahimo sab nga himuong sawsawan.

Sa sunod nga moatake ang imong mga allergies, paningkamuti nga makita nimo ni nga mga pagkaon sa inyohang kusina. Makahatag kini kanimo og hinanali nga kahupayan alang sa imong mga sintomas.