Ano ang Neuropathic Pain?

Neuropathy Meaning

Ang neuropathic pain, na kilala rin sa tawag na neuritis at neuralgia, ay dulot ng pinsala sa somatosensory nerve system na gawa ng isang sugat o isang sakit. Ang somatosensory system na ito ay kinabibilangan ng mga nerves na matatagpuan sa balat, mga kasukasuan, kalamnan, at fascia (fibrous tissue na nakapaloob sa isang kalamnan o organ). Ang mga nerves na ito ay nagbibigay-daan sa mga tao na ma-perceive ang mga sensations tulad ng pain, touch, pressure, temperature, vibration, movement, at position. Kapag ang nerves na ito ay nasira, maaari silang magpadala ng abnormal o maling sensation sa utak.

Ang neuropathy ay hindi isang sakit; ito'y isang sintomas ng maraming mga karamdaman o sugat na sumisira sa mga nerves. Ang diagnosis at paggamot ng neuropathy ay isang komplikadong sitwasyon. Sa una, ang karamihan sa mga pasyente na may neuropathy, lalo na ang mga may pamamanhid, ay ipinagwawalang-bahala lamang ito. Madalas ay nireresetahan lang nila ang kanilang mga sarili ng paracetamol o iba pang analgesics. Karamihan sa kanila ay tinitiis lang ang sakit sa matagal na panahon at kumokonsulta lang sa doktor kapag malala na ang kanila karamdaman.

Ang iba’t ibang health conditions ay maaaring maging sanhi ng pinsala sa mga nerves, na humahantong sa neuropathic pain. Kabilang dito ang:

• Autoimmune conditions
• Blood vessel disease
• Cancer at cancer treatments, gaya ng chemotherapy
• Diabetes
• Guillain-Barre syndrome
• Human immunodeficiency virus (HIV)
• Leprosy
• Neurodegenerative conditions, kabilang na ang Parkinson’s disease
• Neurological conditions, tulad ng multiple sclerosis (MS)
• Shingles
• Stroke
• Vascular malformations

Mga Sintomas ng Neuropathy

Source: https://www.shutterstock.com/image-photo/elderly-woman-suffering-pain-handarthritis-inflammationberiberi-1377813611

Ang ilang sintomas ng neuropathic pain ay:

• Severe pain (“throbbing,” “shooting,” o pagkasunog)
• Electrical-like sensations
• Pamamanhid
• Pangangati
• Isang “tingling” sensation o ang tinatawag na  “pins and needles”
• “Mottled” o “reddish” na balat
• Mga pagbabago sa sakit na nauugnay sa panahon

Ang neuropathic pain ay maaari ring maging sanhi ng pagiging sensitive sa "touch." Halimbawa, ang isang taong may neuropathy ay maaaring masaktan sa napakahinang tapik o pagkakadikit sa ibang bagay.

Ang ilan pang side effects ng neuropathy ay:

• Hirap sa pagtulog
• Pagkalumbay
• Pagkabalisa

Pain Management and Treatment Tips Para Neuropathy

Iba-iba ang karanasan ng bawat taong may neuropathy sa nasabing sakit. Dahil rito, iba-iba rin ang nirerekomendang gamot ng mga doktor sa mga pasyenteng nakakaranas ng neuropathic pain. Kalimitan, nirereseta ng mga doktor ang ang anti-seizure na mga gamot tulad ng Pregabalin, Gabapentin, Carbamazepine, Topiramate, at Lamotrigine. Sa iba naman ay antidepressants, tulad ng Amitriptyline, Duloxetine, Nortriptyline, Venlafaxine. Nirerekomenda rin ng mga espesyalista ang mga topical na gamot tulad ng Capsaicin at Lidocaine.

Sa mga kaso na mahirap gamutin at hindi tinatablan ng pain relievers, ang isang neuropathy specialist ay maaaring gumamit ng isang invasive o implantable na device upang mabisang ma-manage ang sakit. Maliban rito, mayroon pa silang ibang treatments na ginagawa, tulad ng:

• Physical therapy
• Acupuncture
• Pakikipagtulungan sa isang counselor
• Massage therapy
• Relaxation therapy

Ngayon na nalaman na natin ang basic information tungkol sa neuropathy maging ang pain management ukol dito, mahalaga na gumawa na tayo ng aksyon upang maiwasan ito. Humingi ng tulong sa mga espesyalista, at siguraduhing ikaw ay namumuhay ng healthy lifestyle. Sa gayon, masisiguro mo na hindi ka dadapuan ng sakit na ito.

Sources:

https://www.thefilipinodoctor.com/article/the-nitty-gritty-of-neuropathic-pain

https://www.medicalnewstoday.com/articles/neuropathic-pain

https://www.webmd.com/pain-management/guide/neuropathic-pain